सोसायटीच्या संचालक पदाच्या निवडणुकीत धिंगाणा

सोसायटीच्या निवडणुकीत पोलिसांना मारहाण
सकाळ वृत्तसेवा
डोंबिवली, ता. १० : खोणी तळोजा रोडवरील ऑर्चिड को-ऑपरेटिव्ह सोसायटीच्या निवडणुकीत धिंगाणा झाल्याची घटना उघडकीस आली आहे. सोसायटीच्या संचालक पदाच्या निवडणुकीत हा राडा झाला असून यात मानपाडा पोलिस ठाण्यातील पोलिसांना देखील धक्काबुक्की व मारहाण झाल्याचे समजतं आहे. याचा व्हिडिओ समाज माध्यमातून मोठ्या प्रमाणात व्हायरल होत आहे. बोगस मतदानाच्या संशयावरून धिंगाणा झाल्याची प्राथमिक माहिती असून पोलिसांकडून याचा तपास सुरु आहे. पोलिस ठाण्यात रात्री उशिरा गुन्हा दाखल करण्याची प्रक्रिया सुरु होती.