तलावात बुडून बालकाचा मृत्यू

तलावात बुडून बालकाचा मृत्यू
ठाणे, ता. ११ : कासारवडवली परिसरात राम मंदिराजवळील तलावामध्ये पोहण्यासाठी गेलेल्या बालकाचा मृत्यू झाला आहे. वाघबीळ येथील पीयूष गजानन सोनवणे (१२) असे या बालकाचे नाव असून, तलावातील पाण्याचा अंदाज न आल्याने त्याचा बुडून मृत्यू झाल्याची घटना सोमवारी (ता. ११) दुपारी साडेबाराच्या सुमारास घडली. पीयूष ठाणे महापालिकेच्या शाळा क्रमांक ६५ मधील इयत्ता पाचवीचा विद्यार्थी हाेता. या घटनेची माहिती पोलिस ठाण्याचे हवालदार साळवी यांनी दिल्यावर घटनास्थळी आपत्ती व्यवस्थापन, पोलिस अधिकारी, ठाणे आपत्ती प्रतिसाद दलाचे जवान आणि अग्निशमन दलाच्या जवानांनी धाव घेत बालकाचा शोध घेण्यास सुरुवात केली. यानंतर बालक आढळून आला. तातडीने रुग्णालयात उपचाराकरिता दाखल केल्यावर तेथील डॉक्टरांनी त्या बालकाला मृत घोषित केले, अशी माहिती ठाणे महापालिका आपत्ती व्यवस्थापन कक्षाने दिली.