जिल्हाधिकारी रुग्णालय परिसरात स्थानिक झाडांचे रोपण
जिल्हाधिकारी रुग्णालय परिसरात स्थानिक झाडांचे रोपण
ठाणे शहर, ता. १२ (बातमीदार) : रुग्णालय केवळ उपचाराचे ठिकाण नसून, मानसिक आधार देणारे स्थानही आहे. एखाद्या रुग्णासाठी आजाराशी लढताना डॉक्टरांची औषधे जितकी आवश्यक तितकीच त्याच्या मनाला आणि आत्म्याला शांत करणारी हिरवाईसुद्धा महत्त्वाची असते. या जाणिवेतून ठाणे जिल्हा रुग्णालय परिसरात स्थानिक आणि फळझाडांची लागवड करण्यात आली आहे.
रुग्णालयाचे जिल्हा शल्यचिकित्सक डॉ. कैलास पवार आणि अतिरिक्त जिल्हा शल्यचिकित्सक डॉ. धीरज महांगडे यांच्या उपक्रमात रुग्णालयातील डॉक्टर, नर्स, रुग्णसेवक तसेच उपचारासाठी आलेले काही रुग्ण व त्यांच्या नातेवाइकांनीही उत्साहाने सहभाग घेतला. परिसरात आंबा, जांभूळ, चिकू यांसारखी फळझाडे आणि वड, पिंपळ, नीम यांसारखे स्थानिक वृक्ष लावण्यात आल्याने भविष्यात रुग्णालय परिसरात सावली, शुद्ध हवा मिळण्यास मदत मिळणार आहे. हा उपक्रम केवळ वृक्षारोपण नसून, निसर्ग आणि आरोग्य यांचा सुंदर संगम आहे. ठाणे जिल्हा रुग्णालयासोबतच जिल्ह्यातील सर्व सरकारी रुग्णालयांत अशाच पद्धतीची वृक्षारोपण करण्यात आले आहे. आतापर्यंत सुमारे एक हजार वृक्षारोपण झाले असल्याची माहिती जिल्हा शल्यचिकित्सक डॉ. कैलास पवार यांनी दिली.
MUM25F02245
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.