स्तनाचा कर्करोग तपासणी शिबिराला प्रतिसाद

स्तनाचा कर्करोग तपासणी शिबिराला प्रतिसाद
प्रभादेवी, ता. १२ (बातमीदार) : सामाजिक बांधिलकी जपत रोटरी क्लब ऑफ बॉम्बे नॉर्थ यांच्या वतीने आयोजित विविध आरोग्य तपासणी शिबीर व स्तनाचा कर्करोग तपासणी शिबिराला नागरिकांचा उत्स्फूर्त सहभाग लाभला.
धारावीत झालेल्या कार्यक्रमाचे उद्‌घाटन माजी अध्यक्ष डॉ. राजेंद्र अग्रवाल यांच्या हस्ते करण्यात आले. या वेळी डॉ. अंजली पाटील, डॉ. सरोश मेहता आणि डॉ. जिनेश उपाध्याय या तज्ज्ञ डॉक्टरांच्या मार्गदर्शनाखाली तपासणी करण्यात आली. यात एकूण २८७ हून अधिक जणांनी सहभाग घेतला. शिबिरात मोफत औषधे, आयुर्वेदिक सल्लामसलत, फुफ्फुस तपासणी, होमिओपॅथी सेवा उपलब्ध करून देण्यात आल्या.