सकाळ श्रावण सरीत महिलांचा जल्लोष

सकाळ श्रावण सरीत महिलांचा जल्लोष
ठाण्यासह कल्याणमध्ये रंगणार पारंपरिक सोहळा
ठाणे, ता. १२ : श्रावण महिना सुरू झाला की, सण, सोहळे आणि महिलांच्या उत्साहाला उधाण येते. महिलांच्या कलागुणांना व्यासपीठ मिळावे आणि त्यांचा सणासुदीचा उत्सव अधिक खास व्हावा, या हेतूने ‘सकाळ’तर्फे दरवर्षी आयोजित करण्यात येणारा ‘सकाळ श्रावण सरी’ सोहळा यंदाही ठाणे, कल्याण या शहरात मोठ्या उत्साहात पार पडणार आहे. यंदाचे हे चौथे वर्ष असून, रविवारी (ता. १७) ठाणे गावदेवी मैदानाजवळील कांती विसारीया हाॅलमध्ये हा कार्यक्रम पार पडणार आहे. तसेच १९ ऑगस्ट रोजी कल्याणमधील अत्रे मंदिरात कार्यक्रमाचे आयोजन केले आहे.

महिलांच्या कलागुणांना प्रोत्साहन मिळावे, त्यांना स्वतःला व्यक्त करण्यासाठी एक व्यासपीठ उपलब्ध व्हावे, तसेच मनोरंजनाबरोबरच आर्थिक, शैक्षणिक क्षेत्राबाबतही जागरूकतेच्या यादृष्टीने सकाळ नेहमीच नवनवीन उपक्रम राबवित असते. यंदा श्रावण सरी या उपक्रमात मॉडर्न मंगळागौर, श्रावण साज स्पर्धा (पाने, फळे, फुले, भाज्या यांचा साज), मी टाईम-टी टाईम, नृत्य-संगीताचे कार्यक्रम, बक्षिसांची लयलूट, तसेच बालगंधर्व पुरस्कार प्राप्त लावणी सम्राट आशिमिक कामठे यांचे सादरीकरण, हे विशेष आकर्षण ठरणार आहे.

कार्यक्रमासाठी प्रायोजक एचडीएफसी म्युच्युअल फंड (फायनान्शियल लिट्रसी पार्टनर), सहयोगी प्रायोजक गोदरेज, महाराष्ट्र प्रदूषण नियंत्रण मंडळ, ब्रेव्हरेज पार्टनर सोसायटी टी, ट्रॅव्हल पार्टनर केसरी टूर, ईव्हेंट पार्टनर मी मंत्रा यांचे सहकार्य लाभले आहे. एचडीएफसी म्युच्युअल फंड हा गुंतवणूकदारांना विविध योजना व पर्याय देणारा विश्वासार्ह ब्रॅन्ड आहे. ते आपल्याला पैशाचे योग्य नियोजन आणि दीर्घकालीन गुंतवणुकीतून आर्थिक उद्दिष्ट कसे साध्य करू शकतो, याची माहिती देणार आहेत. याशिवाय मैत्रिणींबरोबर एकत्र चहा प्यायची संधी मिळणार आहे.

कधी : १७ ऑगस्ट २०२५
कोठे : कांती विसारीया हाॅल, गावदेवी मैदानाजवळ, ठाणे
केव्हा : दुपारी ३.३० ते सायंकाळी ७.३०

कधी : १९ ऑगस्ट २०२५
कोठे : अत्रे रंगमंदिर, भोईवाडा बाजारपेठ रोड, कल्याण पश्चिम
केव्हा : दुपारी ३.३० ते सायंकाळी ७.३०

नोंदणीसाठी येथे संपर्क करा
‘सकाळ श्रावण सरी’ या कार्यक्रमात महिला गाऊ शकतील, नाचू शकतील तेही अगदी मनसोक्तपणे. काय मग येताय ना? तेवढाच कौटुंबिक जबाबदारीतून थोडासा विरंगुळा मिळणार आहे. आम्ही आपली ‘सकाळ श्रावण सरी’मध्ये धम्माल मस्ती करायला तुमची वाट पाहत आहोत. या कार्यक्रमात आणि स्पर्धेत भाग घेण्यासाठी नोंदणी आणि अधिक माहितीसाठी ९१४६००२२१६ या क्रमांक संपर्क साधा.