कळवा खाडीत उडी; महिलेचा मृत्यू

कळवा खाडीत उडी; महिलेचा मृत्यू
सकाळ वृत्तसेवा
ठाणे, ता. १२ : जुन्या कळवा खाडीपुलावरून खाडीत उडी मारलेल्या एका अनोळखी महिलेचा मृत्यू झाला. मंगळवारी (ता. १२) रात्री आठच्या सुमारास ही घटना घडली. खाडीत पाणी कमी असल्यामुळे ती महिला थेट खडकावर आदळली. यामुळे ती गंभीर जखमी झाली.
घटनेची माहिती मिळताच पोलिस, अग्निशमन दल आणि आपत्कालीन व्यवस्थापनाचे कर्मचारी घटनास्थळी दाखल झाले. त्यांनी जखमी महिलेला बाहेर काढून तत्काळ कळवा येथील छत्रपती शिवाजी महाराज रुग्णालयात दाखल केले, परंतु डॉक्टरांनी तिला मृत घोषित केले.
कळवा पोलिस या महिलेची ओळख पटवण्याचा आणि तिच्या नातेवाइकांचा शोध घेण्याचा प्रयत्न करीत आहेत. या प्रकरणाचा पुढील तपास सुरू आहे.