बदलापूरमध्ये वायूगळती?

बदलापूरमध्ये वायूगळती?
अचानक हवा प्रदूषित झाल्याने भीती
बदलापूर, ता. १२ (बातमीदार) ः बदलापूर पूर्वेकडील भोसले नगर, शिरगाव, आपटेवाडी, पनवेल रिंग रोड परिसरात मंगळवारी रात्री अचानक हवेत उग्र दर्प जाणवला. रासायनिक वायूगळती झाल्याची शक्यता वर्तवण्यात येत असल्याने परिसरातील रहिवाशांमध्ये भीतीचे वातावरण पसरले.
बदलापूर परिसरात रात्री हवेत उग्र दर्प आणि डोळ्यांना चुरचुर होत असल्याची तक्रार नागरिकांनी केली; मात्र हा रासायनिक दर्प कुठून आला किंवा रासायनिक गळती कोणत्या कंपनीतून झाली, हे मात्र रात्री उशिरापर्यंत समोर आलेले नाही. वारंवार घडणाऱ्या घटनांमुळे, प्रदूषण नियंत्रण महामंडळ किंवा एमआयडीसी प्रशासनाचे कंपन्यांवर वचक नसल्याचे नागरिकांचे म्हणणे आहे. यासंदर्भात माहिती मिळाल्यानंतर पालिकेचे मुख्याधिकारी मारुती गायकवाड यांनी चौकशी करून संबंधित प्रशासनाला तातडीने कार्यवाही करण्याची सूचना केल्याचे सांगितले; मात्र या प्रकारामुळे नागरिकांना श्वास घेण्यास त्रास होत असून, परिसरात घबराट पसरली आहे.