अंगारक चतुर्थीला गणपती संस्थान महड तर्फे विशेष पूजा.

अंगारकी चतुर्थीला गणपती संस्थान महडतर्फे विशेष पूजा
खालापूर, ता.१२ (बातमीदार) ः सुमारे एकवीस वर्षानंतर श्रावण महिन्यात आलेल्या अंगारकी चतुर्थीचा योग साधून श्री गणपती संस्थान महडतर्फे विशेष पूजा करण्यात आली. रात्री एक वाजता सुरू होणारे दर्शन या अंगारक चतुर्थीपासून पहाटे तीन वाजल्यापासून सुरू करण्यात आले. सकाळी सात वाजता गणपतीची महापूजा हिरण्याचर्ण, सकाळी साडेनऊ वाजता दुर्वार्चन महापूजा, बारा वाजता पुष्पार्चन महापूजा, दुपारी अडीच वाजता शमीचर्न आणि संध्याकाळी पाच वाजता मोदकार्चन महापूजा आयोजित करण्यात आली होती. पहाटेपासून भाविकांनी दर्शनासाठी गर्दी केली होती. वरूणराजांच्या विश्रांतीमुळे दिवसभर मोठ्या संख्येने भाविक दर्शनासाठी येत होते. महड देवस्थानातर्फे भाविकांना मुख्य मार्गापर्यंत मोफत रिक्षाची सोय करण्यात आली होती.