खांब-पालदाड मार्गावर साईटपट्टी अभावी मालवाहू टेम्पो पलटी

साईडपट्टी खचल्याने टेम्पोला अपघात
खांब-पालदाड मार्गावरील घटना
रोहा, ता.१३ (बातमीदार)ः तालुक्यातील खांब-पालदाड मार्गावर मालवाहू टेम्पो साईडपट्टी खचल्याने पलटी झाला होता. चिल्हे गावाच्या हद्दीत मंगळवारी सकाळी १० वाजता ही घटना घडली.
अहिल्या नगर (अहमदर नगर) येथून कोंबड्यांचे खाद्य भरलेला टेम्पो खांबावरुन रोहाकडे जाताना चिल्हे गावाच्या हद्दीत समोरून येणाऱ्या वाहनास पुढे जाण्यासाठी जागा देण्यासाठी रस्त्याखाली उतरला होता. पण साईडपट्टी खचल्याने टेम्पो शेतात कलंडला. टेम्पोचालकासह सहप्रवाशाला कोणतीही दुखापत झालेली नाही. पण वाहनाचे नुकसान झाले आहे.
----------------------------
अपघातांच्या घटनांत वाढ
या मार्गावरील झाडीझुडपांमुळे छोट्या मोठ्या अपघातांच्या घटना घडत असतात. सतत वाढणारी वाहतूक, प्रवासी संख्येचा विचार करता हा रस्ता रूंद करावा, अशी भावना स्थानिकांकडून व्यक्त केली जात आहे.