खर्डी ग्रामपंचायत सदस्यांची लाचलुचपत प्रतिबंधक विभागाकडून चौकशी

ग्रामपंचायत सदस्यांची लाचलुचपत विभागाकडून चौकशी
शहापूर, ता. १३ (वार्ताहर) : लाचलुचपत प्रतिबंधक विभागाने खर्डी ग्रामपंचायतीच्या उपसरपंच मोसिन शेख याला रोख रक्कम स्वीकारताना रंगेहाथ पकडल्यानंतर आता ग्रामपंचायतीतील इतर सदस्यांचीही चौकशी सुरू केली आहे. मोसिन शेखने घरासाठी करपट्टी मंजूर करून देण्याच्या नावाखाली ३० हजार रुपये मागितले होते. त्याला लाच स्वीकारताना १४ जून रोजी अटक करण्यात आली होती. या घटनेनंतर तीन महिने उलटले असतानाही, आता लाचलुचपत प्रतिबंधक विभागाने इतर सदस्यांनादेखील चौकशीसाठी ठाणे येथील कार्यालयात बोलावले आहे. उपसरपंचाच्या कारवाईमुळे सदस्यांचे धाबे दणाणले असल्याचे स्थानिकांकडून सांगण्यात येत आहे.