भिवंडीमध्ये सफाई कामगारांचे पंचायत समितीसमोर धरणे

भिवंडीमध्ये सफाई कामगारांचे पंचायत समितीसमोर धरणे
भिवंडी, ता. १३ (वार्ताहर) : भिवंडी तालुक्यातील खोणी ग्रामपंचायतमधील सफाई कामगार सहा महिने वेतन न मिळाल्याने आणि ग्रामपंचायतीतील भ्रष्टाचारामुळे संतोष साळवी यांच्या नेतृत्वाखाली महाराष्ट्र निर्माण सेना कामगार संघटनेने पंचायत समिती कार्यालयासमोर एक दिवसीय धरणे आंदोलन केले. कामगारांनी थकीत वेतन देण्याची, २५ महिन्यांचा पीएफ परस्पर ग्रामपंचायतीने हडप केल्याचा आरोप केला आहे. कामगारांना किमान वेतन कायद्याप्रमाणे वेतन नाही मिळत आणि सुरक्षिततेची काळजीही घेतली जात नाही. ग्रामपंचायतीतील भ्रष्टाचाराबाबतही चौकशी न झाल्याने संतोष साळवी यांनी संताप व्यक्त केला आहे. ग्रामसेविका साक्षी शिंदे यांचे बदली झाल्यानंतर ७० दिवसांनंतरही नवीन ग्रामसेवकाला पदभार सोपवलेले नाही. ग्रामपंचायतीतील अंतर्गत वादांमुळे वेतन थांबले असून, जमलेल्या कराचे पैसे इतरत्र वापरल्याचा आरोपही आहे. संतोष साळवी म्हणाले की, प्रशासनाने मागण्या मान्य नाही केल्या तर आंदोलन बेमुदत सुरू ठेवले जाईल.