झाडाची फांदी कोसळून सहा गाळ्यांच्या पत्रे फुटून नुकसान

झाडाची फांदी कोसळून सहा गाळ्यांचे पत्रे फुटून नुकसान
कोणालाही दुखापत नाही

सकाळ वृत्तसेवा
ठाणे, ता. १४ : ठाण्यातील कॅसल-मिल नाका येथे असलेल्या निर्मलादेवी लघुसंकुलातील गाळ्यांवर झाडाची फांदी कोसळल्याची घटना गुरुवारी (ता. १४) घडली. या घटनेत सहा गाळ्यांच्या छताचे पत्रे फुटून किरकोळ नुकसान झाले आहे. सुदैवाने या घटनेत कोणालाही दुखापत झाली नसल्याची माहिती ठाणे महापालिका आपत्ती व्यवस्थापन कक्षेने दिली.
कॅसल-मिल नाका येथे असलेल्या निर्मलादेवी लघुसंकुलातील गाळ्यांवर झाडाची फांदी पडल्याची माहिती नितीन या व्यक्तीने ठाणे पालिकेच्या आपत्ती व्यवस्थापन कक्षेला दिली. या घटनेची माहिती मिळताच, घटनास्थळी आपत्ती व्यवस्थापन आणि अग्निशमन दलाच्या जवानांनी धाव घेतली. या घटनेत गाळ्यातील २६ ते २९ आणि ३४ व ३५ अशा सहा गाळ्यांच्या छताचे पत्रे तुटून नुकसान झाले आहे. तसेच पडलेल्या झाडाची फांदी कापून एका बाजूला करण्यात आल्याची माहिती ठामपा आपत्ती व्यवस्थापन कक्षेने दिली.
...........