सीआरपीएफतर्फे तिरंगा सायकल रॅली

सीआरपीएफतर्फे तिरंगा सायकल रॅली
नवी मुंबई, ता. १४ ः हर घर तिरंगा अभियानाच्या अनुषंगाने १०२ बटालियन द्रुत कार्य बल, सीआरपीएफतर्फे खारघर येथे तिरंगा सायकल रॅली आणि तिरंगा पायी यात्रा आयोजित करण्यात आली होती. या उपक्रमामागे नागरिकांमध्ये देशभक्तीची भावना दृढ करण्यासोबतच राष्ट्रीय अभिमान वृद्धिंगत करण्याचा हेतू होता. या कार्यक्रमास मुख्य अतिथी म्हणून बटालियनचे कमांडर सुशांतकुमार प्रधान, द्वितीय कमान अधिकारी प्रेमकुमार, इतर राजपत्रित अधिकारी, अधीनस्थ अधिकारी व मोठ्या संख्येने जवान उपस्थित होते. सायकल रॅलीत १०२ बटालियन मुख्यालय, खारघर येथून सुरुवात करून पुन्हा मुख्यालयातच समारोप झाला. यात सुमारे ७० जण सहभागी झाले होते, तर तिरंगा पायी यात्रेत २५० जणांचा उत्स्फूर्त सहभाग होता. दोन्ही रॅलींत देशभक्तीपर घोषणांनी वातावरण भारावून गेले होते.