वोटचोरीविरोधात काँग्रेचा मशाल मोर्चा
व्होटचोरीविरोधात काँग्रेचा मशाल मोर्चा
कल्याण, ता. १८ (वार्ताहर) : लोकसभा आणि विधानसभा निवडणुकांत सत्ताधारी भाजपकडून मोठ्या प्रमाणात मतांची चोरी झाल्याचा आरोप करीत त्याच्याविरोधात कल्याणमध्ये जिल्हा काँग्रेसतर्फे नुकताच मशाल मोर्चा काढण्यात आला.
विरोधी पक्षनेते राहुल गांधी यांनी पत्रकार परिषद घेत मतदारयादीत घोळ असल्याचा गंभीर आरोप केला आहे. तसेच भारतीय जनता पक्षाने निवडणूक आयोगावर दबाव टाकून त्यांच्या मदतीने मतदारयादीमध्ये फेरफार करून मतांची चोरी करीत ही सत्ता मिळवल्याचा आरोपही राहुल गांधी यांनी पत्रकार परिषदेत केला आहे. या मतचोरीविरोधात संपूर्ण देशभरात स्थानिक पातळीवर आंदोलन छेडण्याचे निर्देश राहुल गांधी यांनी दिले असून, कल्याण काँग्रेस जिल्हाध्यक्ष सचिन पोटे यांच्या नेतृत्वाखाली शुक्रवारी (ता. १५) कल्याणमध्ये मशाल मोर्चा काढण्यात आला. कल्याण स्थानक परिसरातील भारतरत्न डॉ. बाबासाहेब आंबेडकर उद्यानापासून ते छत्रपती शिवाजी महाराज चौकापर्यंत हा मोर्चा काढण्यात आला. या वेळी हातामध्ये मशाल घेत सत्ताधारी पक्षाविरोधात जोरदार घोषणाबाजीही करण्यात आली. यात प्रदेश सरचिटणीस ब्रिज दत्त, नवीन सिंग, प्रदेश सचिव सुरेंद्र आढाव, महिला जिल्हाध्यक्ष कांचन कुलकर्णी, काँग्रेस कमिटी सदस्य मुन्ना तिवारी, ज्येष्ठ पदाधिकारी राजाभाऊ पातकर, अल्पसंख्याक विभागाचे शकील खान, युवक काँग्रेसचे जपजित सिंग यांच्यासह अनेक पदाधिकारी आणि कार्यकर्ते मोठ्या संख्येने सहभागी झाले होते. व्होटचोरीमुळे देशाची वाट लागल्याचा आरोप या वेळी जिल्हाध्यक्ष सचिन पोटे यांनी केला. तसेच येणाऱ्या महापालिका निवडणुकीत अशा प्रकारची व्होटचोरी आम्ही होऊन देणार नाही. याहीपेक्षा जोरदार आंदोलन आम्ही करणार असल्याचा इशाराही त्यांनी या वेळी दिला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.