नवी मुंबईकरांना महापालिका देणार मालमत्ता ओळखपत्र

नवी मुंबईकरांना महापालिका देणार मालमत्ता ओळखपत्र

Published on

मालमत्ताधारकांना पालिकेचे ओळखपत्र
स्वातंत्र्यदिनापासून सुविधा, आधुनिक तंत्रज्ञानाचा वापर
सकाळ वृत्तसेवा
नवी मुंबई, ता. १८ ः आधुनिक तंत्रज्ञानाचा वापर करून नागरिकांची महापालिकेशी संबंधित कामे सुलभतेने करण्यासाठी महापालिका आयुक्त डॉ. कैलास शिंदे यांचे बारकाईने लक्ष आहे. यादृष्टीने नवी मुंबई महापालिका क्षेत्रातील मालमत्ताधारकांना मालमत्तेबाबतची सविस्तर माहिती देणारे ‘मालमत्ता ओळखपत्र’ उपलब्ध करून देण्याचा निर्णय स्वातंत्र्यदिनापासून पालिका प्रशासनाने घेतला आहे.
नवी मुंबई महापालिकेने मालमत्ता क्रमांक, पत्ता, क्षेत्रफळ, कर तपशील अशी सर्व प्रकारची माहिती एकाच ठिकाणी कार्डव्दारे उपलब्ध करून दिले जाणार आहे. याच अनुषंगाने स्वातंत्र्यदिनी आयुक्त डॉ. कैलास शिंदे यांच्या हस्ते पाच मालमत्ताधारकांना प्रातिनिधिक स्वरूपात मालमत्ता ओळखपत्रे वितरित करण्यात आली. या वेळी अतिरिक्त आयुक्त सुनील पवार, अतिरिक्त आयुक्त तथा कर विभागाचे प्रमुख डॉ. राहुल गेठे, शहर अभियंता शिरीष आरदवाड आणि इतर विभागप्रमुख तसेच मालमत्ता कर विभागाच्या सहा. आयुक्त अलका महापूरकर व अधिकारी उपस्थित होते. कार्ड स्वरूपातील ओळखपत्राव्दारे मालमत्ताधारकांना मालमत्ता कराची थकबाकी, आगाऊ भरलेला कर रक्कम सहजपणे पाहता येणार आहे. तसेच ओळखपत्र घेऊन थेट नागरी सुविधा केंद्रावर कर भरणे शक्य होणार आहे. या मालमत्ता ओळखपत्रावरील क्यूआर कोड स्कॅनकरून ऑनलाइन कर भरण्याची सुविधा उपलब्ध आहे. तसेच मालमत्तेचे अधिकृत ओळखपत्र म्हणूनही वापरता येणार आहे.
--------------------------------------
३.५ लाख मालमत्ताधारकांना लाभ
मालमत्ता ओळखपत्रामुळे मालमत्तेची विक्री, हस्तांतरण इत्यादींसाठी मालमत्तेची ओळख व पडताळणी सोपी होणार आहे. यामुळे मालमत्ताधारकांना मालमत्ता कर विभागाशी संपर्क साधताना होणाऱ्या वेळ आणि खर्चाची बचत होणार आहे. शहरातील ३.५ लाख मालमत्ताधारकांना या निर्णयाचा लाभ होणार आहे.
------------------------------
देशातील पहिली महापालिका
नवी मुंबईतील तंत्रस्नेही नागरिकांच्या सोयीसाठी पालिका आयुक्त डॉ. कैलास शिंदे यांनी डिजिटलायझेशनवर भर दिला आहे. त्यादृष्टीने महत्त्वाचा असणारा हा मालमत्ता ओळखपत्राचा उपक्रम मालमत्ता कर विभागातील पारदर्शकता आणि कार्यक्षमता वाढविणारा आहे. नागरिकांना ‘मालमत्ता ओळखपत्र’ उपलब्ध करून देणारी देशातील पहिली पालिका ठरली आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com