खालापूरात स्वांतत्र्य दिनी तंबाखूमुक्ती ची शपथ.

खालापूरात स्वांतत्र्य दिनी तंबाखूमुक्तीची शपथ
खालापूर, ता.१५ (बातमीदार) ः तालुक्यात स्वातंत्र्य दिन मोठ्या उत्साहात साजरा करण्यात आला. खालापूर नगरपंचायत कार्यालयाच्या प्रांगणात नगराध्यक्ष रोशना मोडवे, पंचायत समिती कार्यालय येथे सहाय्यक गटविकास अधिकारी प्रदीप कांबळे, तहसील कार्यालयाच्या आवारात तहसीलदार अभय चव्हाण यांच्या हस्ते ध्वजारोहण सोहळा पार पडला. माजी सैनिक, ज्येष्ठ नागरिक तालुक्यातील विविध क्षेत्रातील मान्यवर तहसील कार्यालयाच्या प्रांगणात ध्वजारोहणासाठी उपस्थित होते. स्वातंत्र्यदिनी तंबाखू मुक्तीची शपथ तहसीलदार अभय चव्हाण यांनी उपस्थितांना दिली. इनरव्हील क्लब खोपोलीतर्फे कचरा व्यवस्थापनाबाबत आणि कापडी पिशवीचा वापर यासाठी जनजागृती करण्यात आली. दरम्यान, पंचायत समिती खालापूर कार्यालयात ध्वजारोहण सोहळा झाल्यानंतर काही कर्मचारी उशिराने हजर झाले. यामुळे नागरिकांनी नापसंती व्यक्त केली.