जोगेश्वरीत 50 फुटी ध्वजस्तंभाचे लोकार्पण — खासदार रवींद्र वायकर यांच्या हस्ते ध्वजारोहण

जोगेश्‍वरी, ता. १६ (बातमीदार) ः येथील श्याम नगर तलावावर उभारलेल्या ५० फूट उंच ध्वजस्तंभावर खासदार रवींद्र वायकर यांच्या हस्ते ध्वजारोहण करण्यात आले. १५ ऑगस्ट रोजी सकाळी ९ वाजता झालेल्या या समारंभाला सहायक पोलिस आयुक्त संपतराव पाटील, वरिष्ठ पोलिस निरीक्षक हुंबे, इस्माईल युसूफ महाविद्यालयाच्या प्राचार्य डॉ. स्वाती व्हावळ आणि नागरिक उपस्थित होते. खासदार वायकर यांनी या उपक्रमाचे श्रेय स्थानिकांच्या सहभागाला देत हा तिरंगा केवळ कापडाचा नसून आपल्या स्वातंत्र्याचा, त्यागाचा आणि देशभक्तीचा जिवंत प्रतीक आहे, असे सांगितले. जोगेश्‍वरी मध्‍ये या ठिकाणी १०० फुटाचा पोल २६ जानेवारीला लागणार असून त्यावेळी सुद्धा असाच उत्सव साजरा करणार असल्याचे वायकर यांनी यावेळी सांगितले.