७९ वा स्वातंत्र्यदिन उत्साहात साजरा

७९वा स्वातंत्र्यदिन उत्साहात साजरा
कासा, ता. १६ (बातमीदार) : भारताच्या ७९व्या स्वातंत्र्यदिनानिमित्त डहाणू तालुक्यातील कासा व वाघाडी गावामध्ये राष्ट्रभक्तीचा उत्स्फूर्त जल्लोष पाहायला मिळाला. कासा ग्रामपंचायत कार्यालयासमोर सरपंच सुनीता कामडी यांच्या हस्ते ध्वजारोहण करण्यात आले. या वेळी ग्रामपंचायत सदस्य, पत्रकार, ज्येष्ठ नागरिक तसेच पूज्य आचार्य भिसे विद्यालयाचे विद्यार्थी व शिक्षक मोठ्या संख्येने उपस्थित होते. देशभक्तीपर गीतांनी परिसर दुमदुमून गेला.
दरम्यान, वाघाडी ग्रामपंचायतीतही स्वातंत्र्यदिन अत्यंत उत्साहात साजरा झाला. यंदा ध्वजारोहणाचा मान सरपंच प्रशांत सातवी यांच्या हस्ते गावातील ज्येष्ठ नागरिक काशीराम बसवत, रंग्या सातवी, मोरेश्वर सातवी तसेच अन्य आदरणीय व्यक्तींना देण्यात आला. हे सर्व मान्यवर नैसर्गिक उपचारांच्या माध्यमातून ग्रामस्थांची सेवा करीत असून, विवाह, मृत्यू तसेच इतर सांस्कृतिक व धार्मिक कार्यक्रमांमध्ये त्यांनी महत्त्वपूर्ण योगदान दिले आहे. वाघाडी ग्रामपंचायतीने या पायदंडाचा उपक्रम राबवून आदर्श घालून दिला असून, सर्वत्र या निर्णयाचे कौतुक होत आहे.