उरण मध्ये ७९ स्वातंत्र दिन मोठया उत्साहात साजरा

उरणमध्ये स्वातंत्र्यदिन उत्साहात साजरा
उरण, ता. १७ (वार्ताहर) ः तालुक्यात शासकीय आस्थापनासह शाळा, महाविद्यालय, ग्रामपंचायतीमध्ये स्वातंत्र्यदिन विविध कार्यक्रमांनी उत्साहात साजरा करण्यात आला. तहसील कार्यालयासमोर तहसीलदार उद्धव कदम यांच्या हस्ते ध्वजारोहण करण्यात आले असून राष्ट्रध्वजास पोलिसांमार्फत सलामी देण्यात आली.
उरण नगर परिषदेत मुख्याधिकारी समीर जाधव यांच्या हस्ते ध्वजारोहण करण्यात आले. तर काही गावातील शाळांमध्ये प्रथम क्रमांकाने उत्तीर्ण झालेल्या विद्यार्थ्यांच्या हस्ते ध्वजारोहण करण्यात आले. प्राथमिक शाळेच्या माध्यमातून गावामध्ये विद्यार्थिनींनी लेझीम, ढोल-ताशांच्या गजरात प्रभातफेरी काढण्यात आली. तहसील येथील ध्वजारोहण कार्यक्रमासाठी नायब तहसीलदार महेश पाटील, नायब तहसीलदार रवींद्र सानप, नायब तहसीलदार नरेश पेढवी, शिवाजी सूर्यवाढ आदी उपस्थित होते.