नवी मुंबईकर हैराण

नवी मुंबईकर हैराण
पावसामुळे वाहतूक संथ गतीने
वाशी, ता. १७ (बातमीदार) ः ऑगस्टमध्ये सतत कोसळणाऱ्या पावसाला उसंत मिळाल्याने नवी मुंबई महापालिकेने रस्त्यांवरील खड्डे बुजवण्याची कामे वेगाने हाती घेतली होती. स्‍वातंत्र्यदिनापासून हवामान खात्याने मुसळधार पावसांचा अदांज व्यक्त केला होता. त्यानुसार पावसानेदेखील दमदार हजेरी लावली. त्यामुळे पालिकेकडून बुजवण्यात आलेले खड्डे पुन्हा उखडण्यास सुरुवात झाली आहे. त्यामुळे वाहनचालकांसह पादचाऱ्यांना मनस्‍ताप सहन करावा लागत आहे.
नवी मुंबई महापालिका क्षेत्रातील दिघा, ऐरोली, वाशी, नेरूळ, कोपरखैरणे, घणसोली, बेलापूर विभागातील अंतर्गत रस्त्यांसह ठाणे-बेलापूर या मुख्य रस्त्यांवर यंदा मोठ्या प्रमाणात खड्डे पडले होते. रस्त्यावरील खड्ड्यांमुळे गोविदांच्या वाहनांनादेखील ब्रेक लागत होता. गणशोत्‍सवापूर्वी खड्डे बुजवण्याचे पालिकेसमोर आव्हान असणार आहे.