महालक्ष्मी उड्डाणपुलावर दोन कारची धडक

कासा, ता. १७ (बातमीदार) : मुंबई-अहमदाबाद महामार्गावर महालक्ष्मी उड्डाणपुलावर शनिवारी (ता. १७) सकाळी दोन कारच्या धडक झाल्याने अपघात झाला. यामध्ये तीन प्रवासी जखमी झाले असून त्यांना कासा उपजिल्हा रुग्णालयात उपचारासाठी दाखल करण्यात आले आहे.

गुजरातकडून मुंबईकडे जाणारी कारचालक समीम मेहबूब अन्सारी (वय ४८, रा. सूरत, गुजरात) हे गाडी चालवत असताना पुलावर खड्डा आल्याने त्यांनी ब्रेक दाबले. त्याच क्षणी मागून येणाऱ्या दुसऱ्या कारचे चालक सालीन पटेल (वय ४२, रा. पुणे) यांचे नियंत्रण सुटल्याने त्यांच्या कारने पुढील कारला जोरदार धडक दिली. या अपघातात शहजादी समीम अन्सारी (वय १२, रा. सूरत), चार्मी सालीन पटेल (वय ३९, रा. पुणे) व तिची मुलगी हीर सालीन पटेल (वय ९) यांना किरकोळ जखमा झाल्या. जखमींना रुग्णवाहिकेने उपचाराकरिता कासा येथील उपजिल्हा रुग्णालयात हलविण्यात आले.