बदलापूरकर प्रवाशांच्या समस्या संपेना
बदलापूर, ता. १८ (बातमीदार) : बदलापूर रेल्वेस्थानकातील होम प्लॅटफॉर्म आणि लोकल यांच्यातील अंतर वाढल्याने प्रवाशांना अपघाताची भीती सतावत आहे. ऐन गर्दीच्या वेळेत लोकल पकडताना फलाटातील अंतरामुळे अनेकदा प्रवासी पडण्याच्या घटना घडल्या आहेत. त्यामुळे लोकल आणि फलाटातील अंतर कमी करण्याची मागणी रेल्वे प्रवासी करत आहेत.
बदलापूरचे प्रवासी आणि रेल्वेच्या समस्या हे जणू आता समीकरण बनले आहे. रोज दीड लाख प्रवासी बदलापुरातून मुंबई आणि उपनगरात प्रवास करतात. यामुळे रेल्वे प्रशासनाला कोट्यावधींचा महसूल मिळतो. या तुलनेत बदलापूरकरांना लोकल सेवा मात्र मिळत नसल्याची तक्रार प्रवाशांकडून केली जात आहे. या समस्यांमध्ये रोज भर पडत आहे. बदलापूरचे होम प्लॅटफॉर्म आणि लोकल यातील अंतर वाढल्यामुळे लोकलमध्ये चढताना गुडघ्यात वाकून चढण्याची वेळ प्रवाशांवर आली आहे. हे अंतर इतके जास्त आहे की, महिलांना त्याचा त्रास सहन करावा लागतो. सकाळी ऐन गर्दीच्या वेळेत अनेक प्रवासी धडपडून फलाटावर किंवा लोकलमध्ये पडतात. त्यात अनेकांना दुखापत झाल्याच्या घटनाही वाढत आहे. यासंदर्भात प्रवासी अनेकदा तक्रार करत असूनही काहीच दखल घेतली जात नाही, असे प्रवाशांचे म्हणणे आहे. त्यामुळे लवकरात लवकर फलाट आणि लोकलमधील अंतर कमी करावे, अशी मागणी बदलापूरकर करत आहेत.
होम प्लॅटफॉर्मवरील फरशा तुटल्या
स्थानकात होम प्लॅटफॉर्म तयार होऊन वर्ष होत आले. वर्षभरातच प्रशासनाच्या निकृष्ट कामाचा दर्जा समोर आला आहे. फरशा तुटल्या असून, लोकलमध्ये चढताना प्रवाशांना मोठा त्रास सहन करावा लागत आहे. मोठा गाजावाजा करत घाईगडबडीत तयार केलेले होम प्लॅटफॉर्मचे बांधकाम निकृष्ट असल्याची तक्रार प्रवासी करत आहेत.
काही दिवसांपूर्वी लोकलमध्ये चढतान फलाटावरील अंतरामुळे तोल जाऊन पडले. पायाला दुखापत झाल्याने काही दिवस कामावरून सक्तीची रजा घ्यावी लागली. रोज कामावर जाण्याची घाई असते. त्यात अशा अंतरामुळे जीव मुठीत घेऊन प्रवास करावा लागतो. रेल्वे प्रशासनाने याकडे त्वरित लक्ष द्यावे.
- मीनाक्षी कांबळे, महिला रेल्वे प्रवासी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.