सीवूड्स मधील समस्या सोडवण्याची

सीवूड्स मधील समस्या सोडवण्याची

Published on

सीवूड्समधील समस्या सोडवण्यासाठी ठाकरे गटाकाडून आयुक्तांची भेट
नेरूळ (बातमीदार)ः सीवूड्स दारावेमधील विविध समस्यांसंदर्भात गुरुवारी (ता. १४) ठाकरे पक्ष आणि नेरूळ फेडरेशनच्या शिष्टमंडळाने महापालिका आयुक्त डॉ. कैलास शिंदे यांची भेट घेतली. नवी मुंबई महापालिकेच्या स्थापनेपासूनच सीवूड्स दारावे विभागात प्राथमिक आरोग्य केंद्र नाही. येथील स्थानिकांसाठी समाजमंदिराचासुद्धा अभाव आहे. त्यामुळे येथील नागरिकांसाठी प्राथमिक आरोग्य केंद्र आणि समाजमंदिराची उभारणी करणे आणि प्रभागातील उद्यानांभोवती नो स्मोकिंग झोनचे बोर्ड लावणे, उद्यानांना सुरक्षा रक्षक पुरवणे आणि सेक्टर २५ व सेक्टर ४२ला जोडणाऱ्या पुलावर ध्वनी प्रतिरोधक लावणे अशा समस्या या वेळी मांडण्यात आल्या. सर्व समस्या लवकरात लवकर सोडविण्यात येतील, असे आश्वासन डॉ. कैलास शिंदे यांच्याकडून देण्यात आले.
या वेळी जिल्हाप्रमुख प्रकाश पाटील, बेलापूर संपर्कप्रमुख अतुल कुलकर्णी, उप जिल्हाप्रमुख संतोष घोसाळकर, कार्यालय प्रमुख एकनाथ दुखंडे, धनश्री मोरे, नेरूळ फेडरेशनचे प्रकाश यावलकर, उदय भांगुर्डे, अविनाश कदम, श्रीलता मुजुमदार उपस्थित होते.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com