ठाण्यात पावसाचा जोर कायम

ठाण्यात पावसाचा जोर कायम

Published on

ठाण्यात पावसाचा जोर कायम
शहरात आठ तासात १०० मिमी पावसाची नोंद
सकाळ वृत्तसेवा
ठाणे, ता. १८ : हवामान खात्याने मुसळधार पावसाचा अंदाज वर्तविल्याने ठाणे शहरात जोरदार पाऊस झाल्याचे पाहण्यास मिळाले. सोमवारी सकाळी साडेआठ ते दुपारी साडेचार वाजेपर्यंत म्हणून आठ तासांत १०० मिमी पाऊस नोंदवण्यात आला. त्यामुळे शहरातील बहुतेक सखल भागांत पाणी साचले होते. पावसाने शहरातील वाहतुकीवरही परिणाम झाल्याचे पाहण्यास मिळाले. तर ठाणे रेल्वे स्थानकातही गर्दी झाल्याने नोकरदार वर्गाचे हाल झाल्याचे पाहण्यास मिळाले.

तीन दिवसांच्या सुट्टीनंतर सोमवारी कामाला निघालेल्या नोकरदारवर्गाचे या पावसामुळे चांगलेच हाल झाले. त्यांना नोकरीच्या ठिकाणी पोहोचण्यास विलंब झाला. भाजी विक्रेते तसेच इतर फेरीवाले यांचीदेखील या पावसामुळे दैना उडल्याचे दिसून आले. शहरातील इतर सखल भागांतही पावसाचे पाणी साचल्याचे दिसून आले. गांधीनगर कोपरी भागात वृक्ष पडल्याची घटना घडली. तसेच येथील स्मशानभूमीची संरक्षण भिंतदेखील पडली. तसेच शहरातील राम मारुती रोड, वंदना सिनेमा, ठाण्यातील बाजारपेठेतदेखील गुडघाभर पाणी साचले होते.

गणेशवाडी भागातदेखील गटारातील पाणी रस्त्यावर वाहत होते. घोडबंदर भागातील गायमुख परिसरात असलेल्या डोंगरातून पावसाचे पाणी खाली रस्त्यावर आले. या पाण्याचा निचरा होत नसल्यामुळे ते रस्त्यात साचले होते.

या ठिकाणी साचले होते पाणी
शहरातील कोर्ट नाका, विवियाना मॉल, माजिवडा शांती सदन परिसरातही पाणी साचले होते. मुंब्य्रातील अमृतनगर, सोनाजीनगर, दारुल फलाह मस्जिदजवळ, कादर पॅलेस, कौसा बाजार, वाय जंक्शन, श्रीलंका रोड, दोस्तीजवळ, मुंब्रा-शिळ रोड, चौधरी कम्पाउंड, शिळसह दिव्यातील काही भागांतही पाणी साचले होते.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com