धारावीतील सखल भागात साचले पाणी

धारावीतील सखल भागात साचले पाणी

Published on

धारावीतील सखल भागात साचले पाणी
धारावी, ता. १८ (बातमीदार) : मुसळधार पावसामुळे धारावीतील सखल भागामध्ये सोमवारी (ता. १८) पाणी साचले होते. धारावी मुख्य रस्त्यावरील चमडा बाजार, शेटवाडी, संत कक्कया मार्गावरील शंकर कवडे चाळ, दगडी बिल्डिंग परिसर, ढिगला, शिवशक्ती नगर, शास्त्री नगर आदी भागात पावसाचे पाणी साचले होते.
पावसाळ्यापूर्वी पालिकेने धारावीतील अंतर्गत नाले व गटारे सफाई केली नसल्याने अनेक विभागांत पाणी साचल्याचा आरोप शिवसेना ठाकरे गट आणि मनसेने केला आहे. धारावीतील अनेक भागांत थोडासा पाऊस झाला की पाणी साचण्याच्या प्रकाराला स्थानिक रहिवासी कंटाळले आहेत. यामुळे रहिवासी संताप व्यक्त करत आहेत. तोंडावर आलेल्या गणेशोत्सवात असा प्रकार घडण्याची भीती रहिवासी व गणेश मंडळाचे कार्यकर्ते व्यक्त करत आहेत. त्‍यामुळे पालिकेने धारावीतील छोटे-मोठे नाले अंतर्गत गटारे लवकरात-लवकर साफ करावेत, अशी मागणी होत आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com