पनवेलमध्ये ३१८ नागरिकांचे स्थलांतर
पनवेलमध्ये ३१८ नागरिकांचे स्थलांतर
अतिवृष्टीच्या पार्श्वभूमीवर महापालिका सतर्क
पनवेल, ता. १८ (बातमीदार)ः पनवेल परिसरात दोन दिवसांपासून मुसळधार पावसाचा जोर कायम आहे. भारतीय हवामान विभागाने रायगड जिल्ह्यासाठी रेड अलर्ट जारी केला आहे. याच पार्श्वभूमीवर पनवेल महापालिका प्रशासन अलर्ट मोडवर असून, पाणी साठणाऱ्या भागांवर विशेष लक्ष केंद्रित करताना ३१८ नागरिकांचे स्थलांतर सुरक्षितस्थळी स्थलांतर करण्यात आले आहे.
शहरातील बांठिया शाळा परिसर, कळंबोली तसेच नदीकाठांवर पालिकेने विशेष लक्ष केंद्रित केले आहे. कळंबोलीत २० ठिकाणी पाणी उपसा करण्यासाठी पंप कार्यान्वित आहेत, तर कोळीवाडा, पटेल मोहल्ला व इतर भागांतील ३१८ नागरिकांना सुरक्षितस्थळी स्थलांतरित करण्यात आले आहे. शाळा, क्रीडा संकुलात त्यांची राहण्याची सोय करण्यात आली आहे. या ठिकाणी आयुक्त मंगेश चितळे यांनी स्वतः अधिकारी, कर्मचाऱ्यासह प्रत्यक्ष जाऊन पाहणी केली.
-----------------------------------
‘गाढी’च्या पाणीपातळीत वाढ
आपत्ती व्यवस्थापन विभागाचे उपायुक्त कैलास गावडे यांनी दिलेल्या माहितीनुसार गाढी नदीची पाणीपातळी सध्या ३.७५ मीटर असून, इशारा पातळीपेक्षा कमी आहे. तसेच धोकादायक इमारती, झाडे किंवा होर्डिंगजवळ आसरा घेऊ नये, स्वतःची काळजी घ्यावी, असे आवाहन आयुक्त मंगेश चितळे यांनी नागरिकांनी केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.