तामिळनाडूतील तरुण झेनिथवर अडकले

तमिळनाडूतील तरुण ‘झेनिथ’वर अडकले
खालापूर, ता. १९ (बातमीदार) ः झेनिथ धबधब्यावर पावसाळी पर्यटनासाठी आलेले १५ तरुण पाण्याच्या प्रवाहात अडकले होते. खोपोली पोलिस, हेल्प फाउंडेशन आणि अग्निशमन खोपोली दलाने मंगळवारी (ता. १९) दुपारी तरुणांची सुटका केली.
पावसाळी पर्यटनास बंदी असलेल्या ठिकाणांपैकी झेनिथ धबधबा आहे. समाजमाध्यमावर धबधब्याचे व्हिडिओ पाहून तमिळनाडूतील १५ तरुण मंगळवारी दुपारी धबधब्याच्या दिशेने गेले; पण प्रचंड प्रमाणात पाणी वाढल्याने तरुण अडकले होते.