बदलापुरात खड्ड्यांचा पूर

बदलापुरात खड्ड्यांचा पूर
बदलापूर, ता. २३ (बातमीदार) : शहरातील मुख्य आणि अंतर्गत रस्त्यांवर मोठ्या प्रमाणात खड्डे पडले असून, यामुळे रस्त्यांची दुरवस्था झाली आहे. या खड्ड्यांमुळे वाहनचालकांना मार्ग काढताना विशेष कसरत करावी लागत असून, वाहनांचा वेग मंदावल्यामुळे ठिकठिकाणी वाहतूक कोंडी निर्माण झाली आहे. गणेशोत्सव जवळ येत असतानादेखील खड्डे योग्यरीत्या बुजविण्यात आलेले नाहीत. बदलापूरकरांना दरवर्षीच या समस्येचा सामना करावा लागत आहे. बदलापूर शहरातील रस्त्यांची सद्य:स्थिती पाहता शहराचे नाव ‘बदलापूर’ नव्हे तर ‘खड्डेपूर’ ठेवले तरही चालेल, अशी परिस्थिती आहे.

बदलापूर पूर्व आणि पश्चिम भागांना जोडणारा एकमेव स्वातंत्र्यवीर सावरकर उड्डाणपूल, मुंबई ते बदलापूरमार्गे कर्जत-पुणे जाणारा मुख्य महामार्ग तसेच पश्चिमेकडील मुख्य मार्ग हे तीनही रस्ते प्रमुख असल्यामुळे येथे वाहनांची सतत वर्दळ असते. सकाळी आणि सायंकाळी वाहतुकीची वर्दळ अधिक वाढते. या मार्गांवरील खोल खड्ड्यांमुळे वाहनचालकांना मोठा त्रास सहन करावा लागत आहे. या खड्ड्यांची खोली जवळजवळ एक ते दीड फूट इतकी असून, पावसाळ्यात पाणी साचल्यामुळे खड्ड्यांचा अंदाज न घेता अनेक अपघात घडले आहेत.

अपघातांचा धोका
खड्ड्यांमुळे वाहनांचा वेग मंदावल्याने सकाळी आणि सायंकाळी मोठ्या प्रमाणात वाहतूक कोंडी होते. वाहनधारकांना वेळ न वाया घालवावा लागतो आणि मनःस्थितीही खालावते. बदलापूरकरांनी मागणी केली आहे की, गणेशोत्सवाच्या निमित्ताने किमान गणपती बाप्पाचे आगमन सुरळीत व्हावे म्हणून खड्डे त्वरित बुजवावे.