मायलेकींवर जीवेघेणा हल्ला
मायलेकींवर जीवेघेणा हल्ला
आई गंभीररीत्या जखमी, लेकीचा मृत्यू
सकाळ वृत्तसेवा
ठाणे, ता. २३ : ठाणे ग्रामीण भागातील किन्हवली पोलिस ठाण्याच्या हद्दीमध्ये, चोरीच्या उद्देशाने घरात घुसलेल्या एका चोराने लक्ष्मी दलवाणी (वय ९७) आणि त्यांची मुलगी वीणा हरपलानी (७५) यांच्यावर जीवघेणा हल्ला केला. या हल्ल्यात वीणा हरपलानी यांचा मृत्यू झाला असून, लक्ष्मी दलवाणी गंभीर जखमी झाल्या आहेत. याप्रकरणी गुन्हा दाखल होताच ठाणे ग्रामीण पोलिसांच्या स्थानिक गुन्हे शाखेने कोणतेही धागेदोरे नसताना अवघ्या २४ तासांत तो गुन्हा उघडकीस आणत शहापुरातील शिवाजी बळवंत धसाडे (२५) या मारेकऱ्याला मोठ्या शिताफीने अटक केली आहे.
घोडबंदर रोडवरील नरेश दलवाणी यांच्या मौजे गांडुळवाड येथील फार्महाउसमध्ये १८ ऑगस्टच्या रात्री ते १९ ऑगस्टच्या सकाळी १० वाजण्याच्या सुमारास अज्ञात चोरट्याने घरात प्रवेश करून वीणा हरपलानी यांची हत्या केली आणि त्यांच्या गळ्यातील सोन्याची चेन व बांगड्या चोरल्या. तसेच, लक्ष्मी दलवाणी यांच्या डोक्यात वार करून त्यांना गंभीर जखमी केले. या घटनेची माहिती मिळताच ठाणे ग्रामीण पोलिसांनी तत्काळ कारवाई सुरू केली.
कोणत्याही ठोस पुराव्याशिवाय, ग्रामीण स्थानिक गुन्हे शाखेने तांत्रिक विश्लेषणाच्या आधारे अवघ्या २४ तासांत आरोपी शिवाजी बळवंत धसाडे याला अटक केली. स्थानिक गुन्हे शाखेचे वरिष्ठ पोलिस निरीक्षक सुरेश मनोरे यांच्या पथकाने केलेल्या चौकशीत आरोपीने गुन्ह्याची कबुली दिली. पुढील तपास शहापूर उपविभागीय पोलिस अधिकारी मिलिंद शिंदे करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.