महामार्गावर ट्रकच्या टायरला आग

मनोर (बातमीदार) : मुंबई-अहमदाबाद महामार्गावर उभ्या ट्रकच्या टायरला आग लागली. या घटनेनंतर ट्रकचालक पळून गेल्यावर स्थानिक ग्रामस्थ आणि महामार्ग सुरक्षा विभागाच्या पोलिसांनी आगीवर नियंत्रण मिळवल्याने दुर्घटना टळली. टायरजवळ एक हजार लिटर डिझेलने भरलेली टाकी होती. वेळेत आग विझवल्याने ट्रक जळून खाक होण्यापासून वाचवण्यात यश आले आहे. शनिवारी (ता. २३) दुपारी दीड वाजण्याच्या सुमारास महामार्गावरील हालोली गावातील गुजरात वाहिनीवरील ॲपल इन हॉटेलजवळ उभ्या ट्रकच्या टायरमधून धूर निघण्यास सुरुवात झाली होती. आगीची माहिती महामार्ग सुरक्षा पोलिसांनी देण्यात आली. काही वेळात महामार्ग सुरक्षा पोलिस घटनास्थळी दाखल झाले. लगतचे धाबे आणि हॉटेल्समधून बदल्यांमधून आणण्यात आले. टायरवर पाणी ओतून लागलेली आग विझवण्यात आली.