नवी मुंबई महानगरपालिकेकडून ३२१ दिव्यांग लाभार्थ्यांना स्टॉल वाटप

नवी मुंबई महानगरपालिकेकडून ३२१ दिव्यांग लाभार्थ्यांना स्टॉल वाटप

Published on

‘त्या’ दिव्यांगांवर कारवाई करणार
पालिकेकडून लाभार्थ्यांना स्टॉल वाटप; व्यवसाय न करणाऱ्यांना इशारा
वाशी, ता. २३ (बातमीदार) ः नवी मुंबई पालिकेच्या समाजकल्याण विभागाच्या वतीने ३२१ दिव्यांग लाभार्थ्यांना स्टॉल वाटप करण्यात आले आहेत. पण काही लाभार्थ्यांनी स्टॉल स्वीकारल्यानंतरही अजूनही व्यवसाय सुरू केलेला नाही. यामुळे लाभार्थ्यांनी तातडीने व्यवसाय सुरू करावा अन्यथा कारवाई केली जाईल, असा इशारा पालिकेने दिला आहे.
आदेशानुसार लाभार्थ्यांना वाटप करण्यात आलेले स्टॉल रोजगार व स्वावलंबनासाठी दिले आहेत. पण काही लाभार्थ्यांनी स्टॉल स्वीकारल्यानंतरही अजूनही व्यवसाय सुरू केलेला नाही. यामुळे संबंधित ठिकाणी स्टॉल रिकामे असून, उद्देश साध्य होण्यात अडथळे निर्माण होत आहेत. महापालिकेच्या आदेशात नमूद केल्याप्रमाणे लाभार्थ्यांनी तातडीने व्यवसाय सुरू करावा अन्यथा नियमांनुसार पुढील कारवाई केली जाईल, असा इशारा दिला आहे.
पालिकेच्या या माध्यमातून दिव्यांगांना आर्थिकदृष्ट्या सक्षम करण्याबरोबरच रोजगारनिर्मितीला चालना देण्याचा प्रयत्न करीत आहे. या उपक्रमामुळे दिव्यांग व्यक्तींना समाजात स्वावलंबीपणे उभे राहण्याची संधी मिळणार असून, त्यांच्या आत्मनिर्भरतेला नवी दिशा मिळणार आहे. परंतु जे लाभार्थी अजूनही आपला व्यवसाय सुरू करण्यास टाळाटाळ करीत आहेत. त्यांच्यावर पालिका कारवाई करणार आहे.

लाभार्थ्यांना नोटीस
मालमत्ता विभागाचे उपायुक्त भागवत डोहीफोडे यांनी परिमंडळ १ व २ च्या उपायुक्तांसह पालिकेचे विभाग अधिकऱ्यांना दिव्यांगांचे स्टॉल सुरू का झाले नाहीत याबाबत नोटीस देऊन लाभार्थ्यांना विचारावे. तसेच सुरू न झाल्यास त्याच्यावर कारवाई करावी व त्याचा अहवाल सादर करावा, असा आदेश दिला आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com