राज्य सहकारी संघाची पिंपळद येथे कार्यशाळा

राज्य सहकारी संघाची
पिंपळद येथे कार्यशाळा
मुंबई, ता. २३ : महाराष्ट्र राज्य सहकारी संघ मर्यादित, पुणे आणि नाशिक जिल्हा नागरी सहकारी पतसंस्थांचे सहकारी फेडरेशन मर्यादित, नाशिक यांच्या संयुक्त विद्यमाने पिंपळद (जि. नाशिक) येथे एकदिवसीय प्रशिक्षण कार्यशाळा आयोजित करण्यात आली आहे.
महाराष्ट्र राज्य सहकारी संघाचे अध्यक्ष आमदार प्रवीण दरेकर हे या कार्यशाळेचे उद्‍घाटक आहेत. नाशिक पूर्वचे आमदार राहुल ढिकले, देवळालीच्या आमदार सरोज अहिरे, नाशिक सहकारी संस्था जिल्हा उपनिबंधक फैयाज मुलाणी, नाशिक तालुका सहकारी संस्था उपनिबंधक संदीप जाधव, सहकार प्रशिक्षक नितीन वाणी आदी मान्यवर या वेळी उपस्थित असतील. सुनील ढिकले, भारत कोठावदे, नारायण वाजे आदी कार्यक्रमाचे आयोजक आहेत. वालदेवी डॅमजवळील रिवेरिया रिसॉर्ट येथे ही कार्यशाळा होणार असल्याचे आयोजकांनी सांगितले.