विद्यार्थ्यांनी साकरल्या पर्यावरणपूरक मूर्ती

विद्यार्थ्यांनी साकरल्या पर्यावरणपूरक मूर्ती
द्वारका शाळेत सकाळ एनआयईचा उपक्रम
कल्याण, ता. २५ : कल्याण पूर्वेतील द्वारका विद्यामंदिर, नांदिवली येथे सकाळ एनआयईच्या वतीने गणेशोत्सवाच्या पार्श्वभूमीवर पर्यावरणपूरक गणेशमूर्ती बनविण्याची कार्यशाळा घेण्यात झाली. या उपक्रमामुळे लहान बालकांमध्ये गणेशोत्सवाचा आनंद शिगेला पोहोचला आहे. कार्यशाळेत प्रतिभावान तज्ज्ञ मार्गदर्शकांच्या मार्गदर्शनाखाली शेकडो विद्यार्थ्यांनी सहभाग नोंदवून सुबक, कलात्मक गणेशमूर्ती बनविल्या. या वेळी संस्थापक दत्तात्रय दळवी, संचालिका मीरा दळवी, व्यवस्थापिका सीमा ठुबे, शिक्षक आप्पासाहेब जाधव, नंदा थेटे, विजया बाम्हणे, अश्विनी चौधरी, अरुणा डुबे, अजय दिवाळे, रोहित कशाळकर आदी उपस्थित होते. सकाळ एनआयईने आयोजित केलेल्या या कार्यशाळेमुळे विद्यार्थ्यांमध्ये सर्जनशीलता, पर्यावरणीय जबाबदारी, संयम, एकाग्रता, शिस्त आणि कलात्मक कौशल्यांचा विकास झाला आहे.