पीएनपीच्या विद्यार्थ्यांची जिल्हास्तरीय कुस्ती स्पर्धेसाठी निवड

पीएनपीच्या विद्यार्थ्यांची जिल्हास्तरीय कुस्ती स्पर्धेसाठी निवड
अलिबाग (वार्ताहर) : जिल्हा क्रीडा अधिकारी व कुस्ती प्रशिक्षण केंद्र, वाडगाव यांच्या संयुक्त विद्यमाने अलिबाग तालुकास्तरीय शालेय कुस्ती स्पर्धा नुकतीच पार पडली. या स्पर्धेत अलिबाग तालुक्यातील पीएनपी होली चाइल्ड स्कूलमधील विद्यार्थ्यांनी घवघवीत यश प्राप्त केले. या विजयी विद्यार्थ्यांची निवड जिल्हास्तरीय स्पर्धेसाठी झाली आहे. या स्पर्धेत १४ वर्षे वयोगट मुलींमध्ये ३० किलो वजनी गट त्रिशा सतीश जाधव प्रथम, ३३ किलो वजनी गट आफ्रा रहेमान मणियार प्रथम, ५० किलो वजनी गट अनन्या अतिश पाटील प्रथम क्रमांक पटकावला, तर मुलांमध्ये ७५ किलो वजनी गटात नीलेश मालुसरे प्रथम क्रमांक पटकावला. या सर्व विद्यार्थ्यांची जिल्हास्तरीय कुस्ती क्रीडा स्पर्धेत निवड झाली आहे. या नेत्रदीपक यशाबद्दल पीएनपी संस्थेच्या कार्यवाह चित्रलेखा नृपाल पाटील, होली चाइल्ड एसएससी बोर्डच्या मुख्याध्यापिका निसर्गा चेवले व उपमुख्याध्यापिका शर्मिला शेटे, क्रीडा मार्गदर्शक अक्षय सदानंद डाकी व शिक्षकेतर कर्मचाऱ्यांनी अभिनंदन करून पुढील वाटचालीसाठी शुभेच्छा दिल्या.