पालघर जिल्हा खेलो मास्टर्स गेम्स तर्फे आयोजित योगासन स्पर्ध्येला मोठा प्रतिसाद

पालघरमध्ये योगासन स्पर्धेला मोठा प्रतिसाद
विरार, ता. २५ (बातमीदार) ः खेलो मास्टर्स गेम्स पालघर जिल्हा असोसिएशन आयोजित योगासन स्पर्धेला मोठा प्रतिसाद मिळाला आहे. या स्पर्धेमध्ये सात वर्षापासून ते ६० वर्षावरील स्पर्धकांनी सहभाग नोंदविला होता. जवळ-जवळ १३० खेळाडू स्पर्धेत सहभागी झाले होते. नऊ गटात खेळविण्यात आलेली ही स्पर्धा विरार पूर्वेकडील यश विद्या निकेतन येथे रविवारी (ता. २५) पार पडली.
यश विद्या निकेतनच्या मुख्याध्यापक रुचिता ठाकूर यांनी स्पर्धेचे नियोजन केले होते. समिती सदस्य सुनील म्हामुणकर, चंद्रकांत चाळके, हेमांगी सावे यांनी स्पर्धा यशस्वी करण्यासाठी मेहनत घेतली. या स्पर्धेसाठी खेळो मास्टर्स गेम्सचे पालघर जिल्हा अध्यक्ष व माजी महापौर राजीव पाटील, हेमंत म्हात्रे व जीतू शहा यांचे मार्गदर्शन लाभले होते.