ढाबा चालकाकडून खंडणी उकळण्यावर गुन्‍हा दाखल

ढाबा चालकाकडून खंडणी उकळण्यावर गुन्‍हा दाखल

Published on

ढाबाचालकाकडून खंडणी उकळऱ्यांवर गुन्‍हा
नवी मुंबई, ता. २५ (वार्ताहर) : बेलापूर येथील दिवाळे गावात ढाबाचालकाकडून दरमहा पाच हजार रुपयांची खंडणीची मागणी करणाऱ्या तिघा पत्रकारांविरोधात सीबीडी पोलिसांनी गुन्हा दाखल केला आहे. तसेच या पत्रकारांचा शोध सुरू केला आहे.
बेलापूर गावात राहणारा या प्रकरणातील तक्रारदार कृष्णा चव्हाण (वय ३४) हा दिवाळे गावालगत साई एकवीरा या नावाने ढाबा चालवत आहे. गत १७ ऑगस्ट रोजी पत्रकारांनी कृष्णा चव्हाण याच्या ढाब्यावर अवैध दारूविक्री होत असल्याचे तसेच त्याचा ढाबा टाटा पॉवरच्या हायटेंशन लाइनखाली असल्याबाबत तक्रार करणारे ट्विट सोशल मीडियावर व्हायरल केले होते. त्या ट्विटसोबत ढाब्यातील ग्राहकांचा व्हिडिओहीदेखील पोस्ट केला गेला होता. तसेच सिडको, पोलिस विभागासह शासकीय खात्यांना ही पोस्‍ट टॅग केली होती. त्यानंतर जतीन शेट्टी नावाच्या एका इसमाने ही पोस्ट ढाबाचालक कृष्णा चव्हाण याला पाठवून त्याला भेटण्यास सांगितले. त्यानुसार गत १९ ऑगस्टला कृष्णा चव्हाण हा सीबीडी सेक्टर-११मधील विश्वकमल हॉटेल येथे भेटण्यासाठी गेला असताना, त्या ठिकाणी जतीन शेट्टी याच्यासोबत सुनील भोईर व हितेंद्र निकम असे दोघेही उपस्थित होते. त्या तिघांनी स्वत:ला शहर संवाद या साप्ताहिकाचे संपादक, उपसंपादक आणि मुख्य संपादक म्हणून ओळख करून दिली. त्यानंतर त्या तिघांनी ढाब्याविरोधातील ट्विट डिलीट करण्यासाठी आणि पोलिस व एक्साईज विभागात ओळखी वापरून ढाबा चालू ठेवण्यासाठी महिन्याला १० हजार रुपये हप्ता देण्याची मागणी केली. मात्र कृष्णा चव्हाण याने नकार दिल्यानंतर त्यांनी दरमहा पाच हजार रुपये हप्ता देण्याची मागणी केली. याशिवाय ट्विट डिलीट केल्याबद्दल वेगळा मोबदला देण्याचीदेखील मागणी केली. त्यावर कृष्णा चव्हाण याने त्याबाबत नंतर कळवू असे सांगितले. त्यानंतर त्याने या तिघांविरोधात पोलिसांत तक्रार दाखल केली. त्यानुसार पोलिसांनी जतीन शेट्टी, सुनील भोईर व हितेंद्र निकम यांच्याविरोधात खंडणी मागितल्याप्रकरणी गुन्हा दाखल करून त्यांचा शोध सुरू केला आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com