राष्ट्रीय पातळीवरील अवयवदानाबाबत परिसंवाद

राष्ट्रीय पातळीवरील अवयवदानाबाबत परिसंवाद
देशभरातील २००हून अधिक विद्यार्थ्यांचा सहभाग
सकाळ वृत्तसेवा
मुंबई, ता. २६ : हुलाहुल फाउंडेशन आणि लीलावती लालजी दयाल वाणिज्य महाविद्यालयाच्या एनएसएस युनिटच्या संयुक्त विद्यमाने अवयवदान जनजागृती विषयावर राष्ट्रीय परिसंवाद ऑनलाइन पद्धतीने पार पडला. या परिसंवादात देशभरातील २००हून अधिक विद्यार्थी व प्राध्यापकांनी सहभाग घेतला. उपाध्यक्ष आदित्य फडके यांनी स्वागत करून कार्यक्रमाची सुरुवात केली.
संचालक दुर्गेश कुमार दुबे यांनी समाजसेवक व अवयवदान प्रचारक आपटे काका यांचा परिचय करून दिला. आपल्या भाषणात आपटे काकांनी अवयवदानाचे महत्त्व स्पष्ट केले. एक अवयवदाता अनेकांचे जीव वाचवू शकतो, यावर भर देत सर्वांना या चळवळीत सामील होण्याचे आवाहन केले.
समारोपावेळी प्राध्यापिका नितीषा भंडारी यांनी उपस्थितांचे आभार मानले. हुलाहुल फाउंडेशनचे अध्यक्ष व महाविद्यालयाचे एनएसएस अधिकारी रवी सिंह यांनी, अवयवदान ही मानवतेचा सर्वोच्च नमुना असून, भारतातील तरुणाई या उदात्त चळवळीचे नेतृत्व करू शकते, असे सांगितले. ट्रस्टी मंडळ तसेच महाविद्यालय व्यवस्थापनाच्या सहकार्याबद्दल विशेष कृतज्ञता व्यक्त करण्यात आली.