जांबोरी मैदानात ७ कृत्रिम तलावाची निर्मिती

जांबोरी मैदानात सात कृत्रिम तलावांची निर्मिती
प्रभादेवी, ता. २८ : पर्यावरणाची हानी टाळण्यासाठी तसेच गणेशभक्तांना सुलभ गणेश विसर्जन करता यावे, यासाठी वरळी येथील जांबोरी मैदानात सात कृत्रिम तलावाची निर्मिती करण्यात येणार आहे त्याचे भूमिपूजन नुकतेच करण्यात आले.
युवासेनाप्रमुख आमदार आदित्य ठाकरे यांच्या सूचनेनुसार वरळी सागरी कोळी महोत्सव समिती अध्यक्ष अभिजित पाटील, सरचिटणीस आकर्षिका पाटील यांच्या प्रयत्नाने मुंबई पालिका जी दक्षिण विभागाच्या सहाय्यक आयुक्त स्वप्नजा क्षीरसागर यांच्या वतीने तलावांचे भूमिपूजन करण्यात आले. या वेळी विभागप्रमुख आशीष चेंबूरकर, सतीश आंबोडे, अनुपमा परब, अनिता नायर, सुजाता सावंत व निवृत्त पोलिस अधिकारी, कर्मचारी उपस्थित होते.