घाटकोपर पोलिस ठाण्याच्या गणरायाचे भव्य स्वागत

घाटकोपर पोलिस ठाण्याच्या गणरायाचे भव्य स्वागत
घाटकोपर, ता. २८ (बातमीदार) ः घाटकोपर पोलिस ठाण्याच्या गणरायाचे मंगळवारी भक्तिमय आणि उत्साहपूर्ण वातावरणात आगमन झाले. ‘घाटकोपर पोलिस ठाण्याचा राजा’ म्हणून ओळखला जाणारा हा गणपती दरवर्षीप्रमाणे यंदाही भव्य साजशृंगाराने सजलेला, पोलिस दलाच्या वतीने भक्तिभावाने विराजमान करण्यात आला. उपआयुक्त राकेश ओला आणि वरिष्ठ पोलिस निरीक्षक सतीश जाधव यांच्या मार्गदर्शनाखाली यंदाचा हा उत्सव साजरा करण्यात येत आहे. पोलिस निरीक्षक दिपाली कुलकर्णी, नालंदा लांडगे, पोलिस उपनिरीक्षक शरद शेटे, पांडुरंग साळुंखे आदीसह सर्व पोलिस अधिकारी, अंमलदार या आगमनदरम्यान उपस्थित होते. यंदाच्या गणेशोत्सवात पर्यावरणपूरक सजावट, शिस्तबद्ध आयोजन याला प्राधान्य देण्यात आले आहे. पोलिस ठाण्याच्या परिसरात प्लॅस्‍टिकमुक्त आणि स्वच्छता अभियानाचाही विशेष भाग म्हणून विविध उपक्रम आयोजित करण्यात येणार आहेत.