इको फ्रेंडली मुर्ती बनविण्याची कार्यशाळा संपन्न...

सकाळ एनआयई आयोजित कार्यशाळेत चिमुकल्यांनी पर्यावरणपूरक गणराय
ठाणे, ता. २८ ः गणेशोत्सवाला काही तास बाकी असतांना लहानांपासून थोरांचा आनंद शिगेला पोहचला आहे. अशातच कल्याण पूर्वेतील वेस्टर्न रिज इंटरनॅशनल स्कूलमध्ये इयत्ता पहिली ते सहावीच्या विद्यार्थ्यांनी सर्जनशील आणि मूल्यांवर आधारित सकाळ एनआयईतर्फे पर्यावरणपूरक गणपतीच्या मूर्ती बनविण्याच्या कार्यशाळेत भाग घेतला. यावेळी चिमुकल्या हातांनी पर्यावरणपूरक गणरायाच्या सुबक मूर्ती बनविल्या.
ही कार्यशाळा संस्थापक दत्तात्रय दळवी यांच्या मार्गदर्शनाने व संचालिका मीरा दळवी यांच्या मार्गदर्शनाखाली पार पडली. यावेळी स्वप्नील दळवी, प्राचार्य डॉ. हेमंत खांडेकर व मान्यवर उपस्थित होते. गणपती मूर्ती बनवण्यात शिक्षकांचा सक्रिय सहभाग आणि शिक्षकेतर कर्मचाऱ्यांचे मदत करणारे हात विद्यार्थांसाठी प्रेरणादायी ठरले.
सकाळ वृत्तपत्रातील बहुप्रतिभावान व्यक्तिमत्वांच्या तज्ज्ञ मार्गदर्शनाने पार पडलेल्या या कार्यशाळेतून विद्यार्थ्यांमध्ये सर्जनशीलता, नवोपक्रम, कलात्मक कौशल्य, सांस्कृतिक आणि अध्यात्मिक जागरुकता, पर्यावरणीय जबाबदारी, संयम आणि एकाग्रता, शिस्त आणि जबाबदारी इत्यादी मुल्यांची रुजवणूक झाल्याचे आयोजकांनी सांगितले.