१४ वर्षे मुलगी बेपत्ता

१४ वर्षे मुलगी बेपत्ता
सकाळ वृत्तसेवा
ठाणे, ता.३० : लहान भावांबरोबर घरातील हॉलमध्ये खेळणारी १४ वर्षीय मुलगी अचानक घरातून बेपत्ता झाल्याची घटना ठाण्यातील वागळे इस्टेट परिसरात गुरुवारी (ता. २८) समोर आले. याप्रकरणी अल्पवयीन मुलीच्या पालकांनी नातेवाईकांना विचारपूस केली असता ती मिळून न आल्याने कोणीतरी अनोळखी कारणासाठी फुस लावून पळून नेल्याप्रकरणी तक्रार दिली. त्यानुसार अपहरणाचा गुन्हा दाखल असल्याची माहिती वागळे इस्टेट पोलिसांनी दिली
......
वाहतूक कोंडीमुळे थांबलेल्या कारला रिक्षाची धडक
सकाळ वृत्तसेवा
ठाणे, ता. ३० : वाहतूक कोंडीत अडकलेल्या कारला भरधाव वेगाने आलेल्या रिक्षाने जोरदार पाठीमागून धडक दिल्याची घटना मुंब्रा सर्कल येथे शुक्रवारी (ता. २९) घडली. सुदैवाने या घटनेत कोणालाही दुखापत झाली नसली तरी तक्रारदार सुरेश खेडेकर यांच्या कारचे नुकसान झाले आहे. याप्रकरणी तेथून पसार झालेल्या रिक्षाचालकाविरोधात गुन्हा दाखल झाला आहे.
कळवा-खारेगाव येथे राहणारे सेवानिवृत्त तक्रारदार खेडेकर हे कार घेऊन डोंबिवली पलावा सिटी या ठिकाणी जाण्यासाठी निघाले होते. मुंब्रा सर्कल या ठिकाणी आले असताना, त्या ठिकाणी मोठ्या प्रमाणात वाहतूक कोंडी झाल्याने त्यांनी त्यांची कार इतर गाड्यांच्या पाठीमागे उभी केली होती. यावेळी अचानक पाठीमागून भरधाव वेगाने आलेल्या एका रिक्षाने त्यांच्या कारला धडक दिली. याशिवाय त्या रिक्षाने इतर दोन वाहनांही धडक दिली. या अपघातात खेडेकर यांच्या कारचे आठ ते १० हजार रुपयांचे नुकसान झाले आहे. याप्रकरणी रिक्षा चालकाविरोधात दिलेल्या तक्रारीनुसार गुन्हा दाखल झाला आहे.