खाडीकिनारी आढळले महिलेचे धडावेगळे शिर

खाडीकिनारी आढळले धडावेगळे शिर
भिवंडी, ता. ३० (वार्ताहर) : शहरातील ईदगाह परिसरात सीमेवरून वाहणाऱ्या खाडीकिनारी दलदलीमध्ये शनिवारी (ता. ३०) सकाळी एका २५ ते २८ वर्ष वयाच्या अज्ञात महिलेचे धडावेगळे शिर आढळून आले. या घटनेची माहिती मिळताच भोईवाडा पोलिसांनी तत्काळ घटनास्थळी धाव घेतली.
पोलिसांनी शिर ताब्यात घेऊन ते शासकीय रुग्णालयात उत्तरीय तपासणीसाठी पाठवले आहे. ही हत्या झालेली महिला कोण आहे? शिर इथपर्यंत कसे आले आणि हत्येमागे कोणाचा हात आहे, याचा तपास करण्याचे आव्हान आता पोलिसांपुढे आहे. या घटनेमुळे परिसरात भीतीचे वातावरण असून, घटनास्थळी बघ्यांची मोठी गर्दी जमली होती.