ग्रामीण संस्कृतीचे दर्शन घडविणारा देखावा

ग्रामीण संस्कृतीचे दर्शन घडविणारा देखावा
वाडा, ता.३०(बातमीदार) : वाडा तालुक्यातील घोडमाळ येथील सांबरे परिवाराच्या गणपती बाप्पाला १२५ वर्षाची परंपरा असून यावर्षी ग्रामीण संस्कृतीचे दर्शन घडविणारा देखावा तयार केला असून या देखावा आकर्षक ठरत आहे.
या देखाव्यात झोपडी तयार करण्यात आली असून या झोपडीत घरगुती वापराच्या उखळ, जाते, पाट,सुप, चाळण, टोपली, घरगुती भांडी, हंडा कळशी ,पाटा, स्वयंपाक बनविण्यासाठी लाकडे, टोपं आदी घरगुती व जुनी वापराचे साहित्य या देखाव्यात मांडण्यात आली आहेत. नवीन पिढीला जुनी वापराची साधने माहित व्हावीत व ग्रामीण संस्कृतीचे दर्शन व्हावे यासाठी ग्रामीण संस्कृती ही थिम आम्ही यावर्षी निवडून देखावा तयार केला असल्याची माहिती अँड. अनिस सांबरे यांनी दिली. दरवर्षी भक्तीभावाने गणपतीची प्राण प्रतिष्ठा करीत असून यावर्षीचे १२५ वे वर्ष असल्याची माहिती अनिस सांबरे यांनी दिली. ग्रामीण भागातील लोक मोठं कुटुंब म्हणून एकत्र राहतात आणि एकमेकांना मदत करतात ज्यामुळे एक घट्ट समुदाय निर्माण होत असल्याचे सांबरे म्हणाले.