बेकायदेशीररित्या अग्निशस्त्र बाळगणारा सराईत गुन्हेगार जेरबंद ; ०१ पिस्टल आणि ०२ काडतुसे जप्त

बेकायदा शस्त्र बाळगणारा सराईत गुन्हेगार जेरबंद
सकाळ वृत्तसेवा
ठाणे, ता. ३१ : भिवंडी, शांतीनगर पाइपलाइन रोड परिसरात अवैधरीत्या शस्त्र बाळगून फिरणारा सराईत गुन्हेगार नफीस ऊर्फ तोतला दिलावर खान (वय २३) याला भिवंडी गुन्हे शाखेने शनिवारी (ता. ३०) जेरबंद केले. त्याच्याकडून एक माऊझर पिस्टल (अग्निशस्त्र) व दोन जिवंत काडतुसे असा ऐवज जप्त केल्याची माहिती ठाणे शहर पोलिस जनसंपर्क अधिकारी तथा वरिष्ठ पोलिस निरीक्षक शैलेश साळवी यांनी दिली.
नफीस शांतीनगर पाइपलाइन रोड येथे अवैधरीत्या शस्त्र बाळगून फिरत आहे, अशी माहिती भिवंडी गुन्हे शाखेचे पोलिस शिपाई इंगळे यांना मिळाली होती. त्यानुसार वरिष्ठ पोलिस निरीक्षक जनार्दन सोनवणे यांच्या मार्गदर्शनाखाली सापळा रचून त्याला ताब्यात घेतले. याप्रकरणी शांतीनगर पोलिस ठाण्यात शस्त्र अधिनियमाप्रमाणे गुन्हा दाखल करीत त्याला अटक केली आहे.