भाईंदरमध्ये बारा लाखांचा मॅफेड्रॉन जप्त

भाईंदरमध्ये बारा लाखांचे मॅफेड्रॉन जप्त

भाईंदर, ता. २ (बातमीदार) : नवघर पोलिसांनी १२ लाख ५५ हजार रुपये किमतीचा मॅफेड्रॉन (एमडी) हा अमली पदार्थ जप्त केला आहे. याप्रकरणी एकाला अटक करण्यात आली आहे. नवघर पोलिस ठाण्यातील गुन्हे प्रकटीकरण पथकाला मंगळवारी (ता. २) दुपारी रेल्वे भुयारी मार्गाजवळ एक व्यक्ती संशयास्पद स्थितीत उभी असल्याचे दिसून आले. संशयावरून त्याला ताब्यात घेऊन त्याची झडती घेतली असता त्याच्याकडे २५१ ग्रॅम वजनाचा १२ लाख ५५ हजार रुपये किमतीचा मॅफेड्रॉन हा अमली पदार्थ सापडला. आरोपीचे नाव साहिल विजय सिंग (२०) असून तो मिरा रोडच्या शांती पार्क भागात राहणारा आहे. त्याच्याविरोधात अमली पदार्थविरोधी कायद्यानुसार गुन्हा नोंदविण्यात आला असून या गुन्ह्याचा पुढील तपास सहाय्यक पोलिस निरीक्षक अमोल तळेकर करीत आहेत.