कर्करोग तपासणी शिबिर

कर्करोग तपासणी शिबिर
जव्हार, ता.२ (बातमीदार) : सार्वजनिक श्री गणेशोत्सव मंडळ अंबिका चौक मित्र मंडळ जव्हार व एच.सी.जी. मानवता हॉस्पीटल नाशिक यांच्या संयुक्त विद्यमाने सोमवारी सकाळी ११ वाजता अंबिका चौक येथे मोफत कर्करोग व स्त्रीरोग तपासणी शिबिराचे आयोजन करण्यात आले. या उपक्रमाचे उद्घाटन जव्हार पोलिस स्टेशनचे पोलिस निरीक्षक विजय मुर्तडक व माजी नगरसेवक तथा पत्रकार भरत बेंद्रे यांच्या हस्ते करण्यात आले. या शिबिरात तब्बल २४० लाभार्थ्यांनी तपासणी करून घेतली, तर १४ जणांमध्ये कर्करोगाचा संशय आढळून आला. यामुळे शिबिराचे महत्व अधोरेखित झाले.या सामाजिक उपक्रमामुळे स्थानिक नागरिकांनी समाधान व्यक्त केले असून भविष्यात असे आरोग्य शिबिरे नियमित व्हावीत, अशी अपेक्षा व्यक्त करण्यात आली.या मागणीला अध्यक्ष बेंद्रे यांनी प्रतिसाद देत जिजाऊ शैक्षणिक व सामाजिक संस्थेच्या वतीने याच ठिकाणी मोफत नेत्र तपासणी व आरोग्य शिबिराचे आयोजन बुधवारी करण्यात आले असल्याचे सांगितले. या उपक्रमात मंडळाचे अध्यक्ष मृणाल बेंद्रे, खजिनदार मंगेश रसाळ, सहखजिनदार कैलास सहाणे, सचिव तेजस कदम तसेच कुनाल कोळे, विजय रसाळ, तुषार सूर्यवंशी, उमेश रसाळ, केतन मोरे, आदी कार्यकर्त्यांची उपस्थिती होती.