घाटकाेपरमध्ये श्री जगन्नाथ देखावा

घाटकाेपरमध्ये श्री जगन्नाथ देखावा
घाटकोपर, ता. ३ (बातमीदार) ः घाटकोपरमधील प्रसिद्ध रांगोळीकार महादेव गोपाळे यांच्याकडून यंदा गणेशोत्सवाचे ५०वे वर्ष मोठ्या उत्साहात साजरे करण्यात येत आहे. या सुवर्ण महोत्सवाचे औचित्य साधत यंदा एका अनोख्या आणि कलात्मक देखाव्याची निर्मिती केली आहे. यंदाचा देखावा ‘श्री जगन्नाथ’ या विषयावर आधारित असून, जगन्नाथ, बलभद्र आणि सुभद्रा या तिन्ही मूर्ती पेंटिंगच्या माध्यमातून साकारण्यात आल्या आहेत.
या देखाव्यामागील संकल्पना स्पष्ट करताना महादेव गोपाळे म्हणाले, की पेंटिंग ही एक लोप पावत चाललेली कला आहे. श्री जगन्नाथाचा देखावा ही श्रद्धेची अभिव्यक्ती तर आहेच; पण त्यातून चित्रकलेचे संवर्धन हा मुख्य संदेशही देण्याचा प्रयत्न असल्याचे ते म्हणाले.