समर्थ सांस्कृतिक मंडळाचे गणपतीला साकडे

समर्थ सांस्कृतिक मंडळाचे गणपतीला साकडे
विरार ता. ३ (बातमीदार) : महाराष्ट्रीय मराठी माणसावर होणारे हल्ले, मराठी भाषेची होणारी गळचेपी या सगळ्यांविरोधात उद्धव ठाकरे आणि राज ठाकरे यांनी एकत्र यावे आणि त्यांच्या हातून महाराष्ट्राचा विकास व्हावा, असे समर्थ रामदासनगरातील समर्थ सांस्कृतिक सेवा मंडळाने गणपतीला साकडे घातले. सध्या हे साकडे वसईमध्ये चर्चेचा विषय ठरले आहे. याबाबत मंडळाचे अध्यक्ष संजय गुरव यांनी सांगितले की, दोन्ही भावांना मानणारा मोठा वर्ग महाराष्ट्रात आहे. या दोन्ही भावांच्या एकत्र येण्याने राज्याचा विकास होणार आहे. तसेच मराठी माणसावर होणारा अन्यायही कमी होईल, यासाठी आम्ही गणपतीला नवस बोललो आहोत.