नेरळमध्ये भरदिवसा लाखोंची घरफोडी

नेरळमध्ये भरदिवसा लाखोंची घरफोडी
कर्जत, ता. ३ (बातमीदार)ः तालुक्यातील नेरळ पोलिस ठाणे हद्दीत तब्बल १९ लाखांचा ऐवज घरातून लंपास केला आहे. दिवसाढवळ्या हा प्रकार घडला असल्याने पोलिसांच्या कार्यक्षमतेवर प्रश्नचिन्ह निर्माण झाले आहे.
नेरळच्या राजेंद्र गुरूनगरातील अंबिका अपार्टमेंटमधील गणेश संसरे (वय ३४) यांच्या घरातील लाखोंचा ऐवज मंगळवारी (ता. २) चोरण्यात आला.
दुपारी अडीचच्या सुमारास त्यांच्या बहिणीने घराचे दरवाजे उघडे पाहिले. बेडरूममधील कपाट फोडलेले आढळले. तत्काळ गणेश संसरे यांना माहिती देण्यात आली. संसरे घरी परतल्यानंतर त्यांनी पाहणी केली असता सेफ्टी दरवाजा जबरदस्तीने तोडलेला, मुख्य दरवाजाचे कुलूप फोडलेले दिसले. कपाट फोडून अंदाजे आठ तोळे सोन्याचे दागिने (हार, अंगठी, टॉप्स, ब्रेसलेट, मंगळसूत्र) पाच ते सहा लाखांची रोकड असा १९ लाखांचा मुद्देमाल चोरण्यात आला आहे. नेरळ पोलिस ठाण्यात याप्रकरणी गुन्हा दाखल करण्यात आला आहे.