अपघातात महिला जखमी

अपघातात महिला जखमी
ठाणे : कोपरी पूर्वकडील स्थानक रोडने पायी घरी निघालेल्या सीमा गुरव यांना भरधाव वेगाने आलेल्या रिक्षाने समोरून जोरदार धडक दिली. ही घटना सोमवारी (ता. १) सायंकाळी साडेचार वाजण्याच्या सुमारास घडली. या घटनेत सीमा गुरव या जखमी झाल्या असून, या वेळी त्यांची मुलगी तथा तक्रारदार स्वरा गुरव या त्यांच्यासोबत होत्या. त्यांनी दिलेल्या तक्रारीनुसार रिक्षाचालकाविरोधात कोपरी पोलिस ठाण्यात गुन्हा दाखल करण्यात आला आहे.

आजीबाईंची सोनसाखळी चोरीला
ठाणे : अनोळखी इसमाने पाठीमागून धक्का मारून जमिनीवर पाडून वयोवृद्ध आजीबाईंच्या गळ्यातील ६० हजारांची सोन्याची चेन जबरदस्तीने खेचून पोबारा केला. ही घटना मंगळवारी (ता. २) सकाळी ७ वाजण्याच्या सुमारास किसननगर ३ येथे घडली असून, याप्रकरणी श्रीनगर पोलिस ठाण्यात जोगेश्वरी येथील कमलावती कनोजिया (७०) या आजीबाईंनी दिलेल्या तक्रारीनुसार गुन्हा दाखल करण्यात आला आहे. त्या भावाच्या घरी गणपती सणाला २७ ऑगस्ट २०२५ रोजी आल्या होत्या, असे तक्रारीत नमूद करण्यात आले आहे.